ONLINE ORDER
Muhammad Nadeem Bhabha
Search Tumharay Saath Rehna Hai | تمہارے ساتھ رہنا ہے
Ghazlen - غزلیں

اب ہیں وہ نامرادیاں عشق کی تاب بھی نہیں

اب ہیں وہ نامرادیاں عشق کی تاب بھی نہیں

چہرے پہ ہجر بھی نہیں آنکھوں میں خواب بھی نہیں

یوں میں ہوا ہوں رائگاں عمر گزر گئی مگر

کوئی گناہ بھی نہیں کوئی ثواب بھی نہیں

دشتِ وفا میں پیاس کے خیمے کہاں لگائیں ہم

پانی تو بات دور کی کوئی سراب بھی نہیں

عشق نہیں نبھا سکا ہجر نبھا رہا ہوں میں

یعنی خراب ہوں مگر پورا خراب بھی نہیں

یار کہیں پہ بیٹھ کر گنتے ہیں رائگانیاں

میں بھی ہوں بدحساب اور تیرا حساب بھی نہیں